Фэст беларускага року "Права быць свабодным"

13.09.2007

Беларускі рок-фэст «Права быць свабодным» пройдзе каля беларуска-ўкраінскай мяжы 22 верасьня. Імпрэза мае на мэце зьвярнуць увагу на права музыкаў на свабоду творчасьці, права людзей слухаць сваю ўлюбёную музыку, свабодна перамяшчацца і камунікаваць.

«Права быць свабодным» пройдзе ў Луцку пад патранатам мясцовых гарадзкіх уладаў.

Выступы адбудуцца ў суботу 22 верасьня з 15:00 да 24:00 у Цэнтральным парку імя Лесі Ўкраінкі.

Для беларускіх гледачоў будзе арганізаванае месца пад намётавы гарадок.

Вызначаныя удзельнікі фэсту: ZET, Крама, Neuro Dubel, ULIS, Indiga, Znich, Tav.Mauzer, B:N:, Сьцяна (Беларусь) і Тінь Сонця (Украіна).

Шукаюцца магчымасьці для ўдзелу зоркі украінскай рок-музыкі.

Фэст будзе здымаць украінскае тэлебачаньне. Але тэлевэрсію можна будзе пабачыць і на беларускім канале «БелСат», які пачне працаваць напрыканцы году.

Ініцыятар правядзеньня фэсту - «Беларуская Музычная Альтэрнатыва».

Партнёры: студэнцкая ініцыятыва «СтудФармат» і «Эўрапейскае радыё для Беларусі».

Варта адзначыць, што на Украіну ня трэба віза і штамп на выезд ва ўсе краіны сьвету. Для жадаючых паехаць будуць арганізаваныя аўтобусы. Запісацца і атрымаць усю інфармацыю пра іх можна па тэл. 1948887, 5789708

Інтэрнэт-старонкі фэсту:

fest_svabody.livejournal.com

www.myspace.com/fest_svabody

Сувязь з арганізатарамі праз эл.пошту fest.svabody@gmail.com